البارت 2
البارت2
السلام
احم توني قمت الحين والساعة 12:10الظهر خلوني انزل واشوف وين الناس ههه
ااووا ليوم جمعة جمعة مباركة
هذاني لقيت اول وحدة مرام عند الـ TV اروح ادور على الثانية اكيد في المطبخ
شفتو قلتلكم لقيتها في المطبخ
انا: وش تسوين!؟
حصة: ارقص وش شايفة انتي؟
انا:خلاص خلاص اكلتيني المهم انا بروح اشوف امي وانتي خلصي رقص ههههه
شفتها كانت تبغى تجي تتطقني بالملعقة الي في يدها هه النحشة وماتشوف غير الغبار ههههه
اذن الظهر
طلعت لغرفة امي طقيت الباب وفتحت على طول بدون ماستنى جواب ههه
انا: مامي؟
امي تفرش سجادتها: هلا وش تبين؟
انا: ولا شيء بس قلت اسلم عليك 😇😇
امي: توك قايمه صح مو انا اقولك نامي بدري ولا عاد تسهري
انا: انشاء الله بروح اصلي
رحت الغرفة وبسم الله منين جت ذي خلصت تصلي
انا: تقبل الله متى جيتي؟!
مرام: منا ومنك صالح الاعمال جيت لما رحتي للمطبخ واصلا صار لي اكثر من ربع ساعة من لما جيت وانتي وين كنتي كل ذا الوقت
انا: عند مامي يلة انا بدخل اتوضى وانتي روحي شوفي حصة اذا راحت تصلي
مرام: هي ماتصلي
انا: اهاا اوكي
صليت وخلصت نزلت شفت ابوي واخوي رجعو من الصلاة رحت سلمت عليهم ورحنا المطبخ كلنا نسوي الغدا
رحت الصالة قاعدة العب مع عيال اخوي
بعد نص ساعة يعني الساعة 2:00م
ابوي يطالعنا: قومو جهزو الغدا
انا واخواتي ا: نشاءالله
رحنا المطبخ
انا: يله بسرعة بنات انا جوعانة لاني مافطرت
حصة: اقول طلعي الصحون وانتي ساكتة
انا: طيب😑☹️
مرام: ههههههه جبهتك طارت هههههه دوريها هههههه
انا ماسكه جبهتي: اااه حرام عليك فشلتيني
مرام: هذي هي جبهتك فوق الثلاجه امسكيها ههههه
انا: اهه ارجعي ياجبهتي احسن لك وانتي ليش تفشليني عند البزارين
مرام: مين البزر هاااه
حصة: اقول امشو ابوي يبي الغدا وانتو تنكتون وانتي تحرمي وتحللي على كيفك يله امشو
انا بهمس لمرام: تكلمت فيلسوفه زمانها
حصة: سمعتك يا راديو خربان
مرام: هههههه راديو هههههخربان ههههه
حصه راجعه من برا: وانتي ليش تضحكين مافي شيء يضحك
جهزنا الغدا وتغدينا وانا ومرام رحنا نغسل المواعين لان حصة وندى مرت اخوي حضرو الغدا
في المطبخ
انا: ايش فيك ساكته خلينا نتكلم ماحب الصمت مو تقولو انا راديو خربان واحب اقرقر
مرام: وش نقول
انا: اقولك نكته اسمعي في ليمونه تدور ليمونه لقتها وقالتلها لقد عصرت عليكي هههه
مرام:سامجه🤨
انا: ادري اسمعي هذي هههه في عربجية وزوجها ياكلون كيك قام زوجها يبي يدلعها قال لما الكيك ياكل كيك حنا وش ناكل هههه قالت تاكل تبن ههههه
مرام:ههههه بالله كم قلتي كيك هههه بسرعه ابغى اخلص عشان اروح اصلي وانام
انا:ليش متى قمتي؟
مرام:الساعه 9 قمت وماقدرت ارجع انام والحين دايخه نوم
انا:اجيب لك نكته تطير النوم اسمعي قال في واحد راح يصلي في السجد لما خلص يبي يطلع شاف واحد من صنادله مسروق دخل المسجد وغلق الباب وقال ان ماطلعتو صندلي راح اسوي مثل الجمعه الماضيه خافو وقامو يدورو لما لقيوه قالو له وش سويت الجمعه الماضيه قال روحت البيت حافي هه
مرام: واااات هههه وكل ذا الشرح وفي الاخير راح حافي ههههه
انا: هااه طار النوم ياركيكه المشاعر
مرام: لا ماطار ياعربجيه
انا:هااه انا عربجيه لا حبيبتي انا الرقه كلها فيني
مرام:اخيرا خلصنا اروح اصلي وانام باااي
ماشوف الا الغبار ههه
طلعت فوق صليت العصر وبدلت ملابسي لبست بنطلون جينز اسود وبلوزه بيضا فيها علامه بي تي اس اووو صح انا ماقلت لكم اني احب كوريا
نزلت تحت مافي احد
انا بصراخ: يااااااااهل البيتتت
مامن مجيب البيت هدوى عجيب والله اممم وين عيال اخوي شكل امهم نامت ونومتهم معاها لانها تعبانه من الحمل
ابوي واخوي طلعو مادري وين
وامي فوق تكلم خواتي ميلا وريم وحصه اكيد في غرفتها ومرام نايمه اوف طفش استغفرالله العظيم طبعا تحسبون ذا الكلام كله وانا واقفه مكاني لا قاعده افر من الجلس للصاله للحوش انا ماجلس وعاد ماشاءالله بيتنا فله
اسوي نفسي اسوق سياره واااااااا لااااا كنت باصدم في الجدار هههههه خليني اطلع فوق اشوف الجيران وش قاعدين يسوون هههه اول جار طقيت جناح اخوي مامن مجيب شكل هذول الجيران نايمين ابروح عند الجاره الثانيه طقيت الباب لقيتها لسى قاعده تكلم في الجوال امممم طلعت اشوف الباقيين رحت غرفة
حصة لقيتها ظلام نايمة اوووووه وين اروح واليوم جمعة انا قلت جمعه وااا نسيت ما اقر سورة الكهف ابروح اقراها
يتبع👈🏻☺️
ــــــــــــــــــــــــــــــ